«What Goes Around... Comes Around» | |||||
---|---|---|---|---|---|
Ջասթին Թիմբերլեյքի սինգլը | |||||
«FutureSex/LoveSounds» ալբոմից | |||||
Թողարկված | Դեկտեմբերի 19, 2006 | ||||
Ֆորմատ | CD սինգլ, թվային ներբեռնում | ||||
Ժանր | Փոփ, R&B | ||||
Տևողություն | 7:28 | ||||
Լեյբլ | Jive Records, Zomba Group of Companies | ||||
Պրոդյուսեր | Ջասթի Թիմբերլեյք, Թիմբալենդ, Դանյա | ||||
Ջասթին Թիմբերլեյքի սինգլների ժամանակագրություն | |||||
|
«What Goes Around... Comes Around», ամերիկացի երգիչ-երգահան Ջասթին Թիմբերլեյքի երգն է իր «FutureSex/LoveSounds» կոչվող երկրորդ ստուդիական ալբոմից։ Երգը թվային ներբեռնման ֆորմատով թողարկվել է 2006 թվականի դեկտեմբերի 19-ին։ Երգի հեղինակները և պրոդյուսերներն են Ջասթին Թիմբերլեյքը, Թիմբալենդը և Դանյան։
Երգը հիմնականում դրական արձագանքներ է ստացել երաժշտական քննադատների կողմից, որոնցից շատերը այն համարել են Ջասթինի 2002 թվականի «Cry Me a River» երգի շարունակությունը։ «What Goes Around... Comes Around» երգը, միջազգային բազմաթիվ հիթ շքերթներում բարձր հորիզոնականներ է զբաղեցրել, այդ թվում գլխավորել է ամերիկյան Billboard Hot 100 հիթ շքերթը։ 2008 թվականի փետրվարին երգն ստացել է «Լավագույն արական փոփ վոկալ կատարում» մրցանակը Գրեմմիի 50-րդ ամենամյա մրցանակաբաշխությունում, որտեղ նաև առաջադրվել է «Տարվա ձայնագրություն» մրցանակին, սակայն չի հաղթել։
Երգի տեսահոլովակը, որի ռեժիսորն է Սեմուել Բայերը, թողարկվել է 2007 թվականի փետրվարի 7-ին։ Ամերիկացի դերասանուհի Սքարլեթ Յոհանսոնը տեսահոլովակում խաղում է որպես Ջասթին Թիմբերլեյքի ընկերուհի։ Երգի տեսահոլովակը 2007 թվականի սեպտեմբերին առաջադրված է եղել MTV երաժշտական տեսահոլովակի մրցանակաբաշխություն 2007-ի «Լավագույն ռեժիսուրա» և «Տարվա տեսահոլովակ» անվանակարգերում, սակայն հաղթել է միայն առաջինում։
© MMXXIII Rich X Search. We shall prevail. All rights reserved. Rich X Search